شرح استخراج فيزا ايزي باي من البريد المصري 2020 بالفيديو ومكالمة خدمة العملاء وربطها بالتطبيق 2020

السلام عليكم ورحمة الله وبركاتة

أحبائي متابعي مدونة : محمود نافع للمعلوميات

شرح حول استخراج فيزا ايزي باي من البريد المصري

مع قلة الحلول المتوفرة للسحب من الباي بال والبنوك الالكترونية في مصر

، نوضح لكم بالتفصيل طريقة استخراج بطاقة فيزا ايزي باي في مصر ، كذلك طريقة السحب من الباي بال باستخدام فيزا البريد Easypay في فيديو ومقال اخر ، والتي يمكن استخدامها في عمليات الشراء على الانترنت وأيضا اعلانات الفيس بوك وغيرها من التعاملات الالكترونية البنكية ، حيث تعد فيزا ايزي باي هي الحل الافضل حاليا للسحب من الباي بال.

اهم العناصر التي يجب عليك القيام بها

فيزا ايزى باى البريد المصرى ارخص واسهل فيزا فى مصر

يكون عندك 16 سنة فيما فوق

تروح لاقرب مكتب بريد ليك ويكون معاك صورتين بطاقة

هتتوجه لموظف الشباك وتطلب منه استخراج بطاقة ايزى باى

تملاء النموذج المخصص للفيزا والتوقيع عليه وهدتفع رسوم 10 ج بس وبكدة بتكون فيزا الايزى باى ارخص كارت فيزا فى مصر هتستلم فى الحال وانت واقف ظرفين واحد فيه الفيزا وواحد فيه الرقم السري

بعد كدة عشان تفعل الفيزا بتتصل بخدمة العملاء 16789 واللى بيراجعو معاك بعض البيانات وبيتاكدو من شخصيتك وبينشطوا لك الفيزا

لو الفيزا ضاعت منك او باظت او نسيت الرقم السري مش هتعرف تستخرج ليها بدل تالف او فاقد .. طيب هتعمل ايه .. هتتصل بخدمة العملاء وهتطلب منه انه يوقف لك الفيزا ..

وهتتوجه لاقرب مكتب بريد وتسحب فلوسك من على الشباك وترجع تستخرج فيزا تانية بنفس الاجراءات

لو الرقم السري مش عاجبك وعايز تغير الرقم السرى بتاعك هتتوجه لاى ماكينة ATM تابعة للبريد وهتغيره باى رقم سري انت عايزه

- ماينفعش يكون ليك اكتر من بطاقة ايزى باى

الحد الادنى للايداع فى المرة الواحدة 100 ج ومفيش حد ادنى للرصيد

الحد الاقصى للايداع النقدى اليومى 30000 ج وبدون عمولات  الحد الاقصى للايداع النقدى الشهرى 100000 ج وبدون عمولات

13- الحد الاقصى للسحب النقدى المحلى يوميا 35000 ج من داخل مكتب البريد و 4000 من ماكينات ATM وبدون عمولة من ماكينات البريد وبعمولة 5 ج من البنوك الاخرى ..

لا يوجد حد اقصى للسحب المحلى الشهرى

الاستعلام من ماكينات البريد المصرى مجانا ومن البنوك الاخرى حسب الرسوم المقررة لكل بنك

لو انت برة مصر والفيزا معاك هتقدر تسحب بيها من ماكينات ATM  والحد الاقصى للسحب النقدى الدولى بالدولار 100 دولار يوميا و500 دولار شهريا بعمولة 5% من قيمة عملية السحب مضاف اليها 30 جنيه مصري فى المرة الواحدة

الحد الاقصى لعمليات الشراء بالجنيه المصرى 35000 ج يوميا وبدون حد اقصى شهريا وبدون عمولات

الحد الاقصى لعمليات الشراء الدولية بالدولار 1000 دولار يوميا و 5000 دولار شهريا

بتقدر تتعامل بيها فى المدفوعات الحكومية

لو ليك اى مستحقات مالية عند الحكومة مش هتعرف تاخدها فلوس فى ايدك ... لازم يكون معاك فيزا ايزي باى والفلوس هتنزللك عليها عن طريق امر الدفع اللى بيرسل للبريد من الجهة الحكومية

مصاريف التجديد السنوية 15 جنيه بس وبتخصم تلقائي من النظام

مده صلاحية الكارت 4 سنوات غير قابل للتجديد

لو انت بتبعت طرود محول عليها بتقدر تحول عليها قيمة المبلغ المحول عليه اللى على الطرد من خلال خدمة ايزى بوكس

تقدر تبعت وتستقبل حوالات فورية من خلال تطبيق ايزى باى واللى ممكن تنزلة من على جوجل بلاى

ممكن كمان تدفع فواتير الموبايل والغاز والمياة والكهرباء من خلال تتطبيق ايزي باى

ممكن تربطها بالباى بال واللى بيستخدمه 254 مليون شخص في تعاملاتهم المالية عبر الإنترنت. بسبب ما يُوفره الباي بال من أمان وسرعة وسهولة في التعامل. أيضًا في عالمية PayPal؛ فهو مُستخدم في أكثر من 200 دولة مُختلفة، ويعطيك القوة أينما كنت؛ فأموالك في يديك أينما ذهبت، ويُمكنك أن تشتري من خلاله كل ما ُتريد عالميًا

العيوب 1-

لازم تكون حذر لو البطاقة ضاعت منك لازم تبلغ خدمة العملاء لان الفيزا بتسحب من المتاجر والسوبر ماركت بدون رقم سري

عدم وجود كشف حساب او ارسال رسائل على الموبايل عند السحب ، بل يجب الاتصال بخدمة العملاء لمعرفة تفاصيل عملية الايداع او السحب عند الرغبة ،

كذلك في حالة ضياعها او تلفها لا يوجد بدل فاقد او تالف .. بس الموضوع سهل ممكن تطلع غيرها ب 10 ج

💳 اللي في الصورة ده الظرف الخاص بالرقم السري الخاص بكروت البريد المصري

💳 الظرف ده عباره عن طبقتين من الورق ملتصقين ببعض وحدود الكرت عباره خط منقط لسهوله الفتح

💳 كروت البريد دايما بيجي معاها الظرف ده اللي فيه الرقم السري واللي احيانا كتير من العملا تفتكر انه حاجه اضافيه مع الكرت وف ناس مش بتاخد بالها وترميه اول ما تستلمه

💳 وانت بتستلم الكرت بتاع البريد اي كان نوعه اتأكد انك تستلم الرقم السري بتاعه لانه مش زي البنك تاخد الكرت وتعمله رقم سري ع المكنه

💳 بعد ما تستلم الكرت وتفعله من خلال خدمه العملا تقدر تغير الرقم السري بتاعك لرقم خاص بيك او بتفضله من خلال ماكينات atm البريد المصري فقط

#فيزا_البريد_المصري_Qena_Visa

💳 الظرف اللي ف الصوره عليه 3 ارقام هنوضحها بتشير لأيه:

رقم 1 ده بيبقا الاسم المطبوع ع الكرت و ع الرقم السري وبالنسبه للصوره ده رقم سري لكرت ايزي باي بس لو كان رقم سري لكرت حساب شخصي هيبقا عليه اسم صاحب الكرت

**********************************************

رقم 2 بيبقا تحته الرقم السري مطبوع هنلاقيه عباره عن 4 ارقام باللون الازرق مطبوع ع الطبقة السفلية من الظرف

**********************************************

رقم 3 ده اربع مقاطع كل مقطع اربع ارقام بيمثلو رقم الكرت وهو هو الرقم المطبوع ع كرت الفيزا. رقم الكرت غيييييير رقم الحساب ياجماعه -- رقم الحساب لو مش عارفينه نقدم الكرت للموظف ونطلب منه رقم الحساب

#فيزا_البريد_المصري_Qena_Visa

💳 الرقم السري للكرت اول حد بيشوفه هو العميل لما بيفتح الظرف ده . يعني لا موظف المكتب ولا حتى موظف المطبعه اللي بيعمله ولا حتى ع السيستم بيبقا متاح انه يتعرف يعني لما يضيع منك متفتكرش انه الموظف ممكن يكون عنده طريقه عشان يرجعهولك

#فيزا_البريد_المصري_Qena_Visa

طب لو ضاع الرقم السري او نسيناه ايه الحل؟

* لو كرت ايزي باي او كرت وزاره الماليه دول ملهمش بدل .العميل هيتصل بخدمه العملا ويطلب منهم ايقاف الكرت وبعدها يقدر يصرف الرصيد بالكامل اللي ع الكرت لأخر مره بصوره البطاقه من اي مكتب وكده الكارت هيتصفى نهائيا ويصبح بلا قيمه والعميل يعمل غيره لو محتاج. وده نفس الاجراء لو الكرت نفسه ضاع او تلف

اخر تحديث لتطبيق ايزي باي

اخر تحديث لابليكشن easy pay بعد اجراء حلول للمشاكل السابقه بالاضافه الي بعض الخصائص الجديدة واهمها:
* اتاحه التسجيل في الابليكشن من خلال الموبايل بدلا من الذهاب لمكتب البريد واستلام كود التفعيل مباشره
* اتاحه اظهار كشف حساب مختصر للحركات ع الكرت بحد اقصى 10 حركات تعامل بالكرت سواء سحب او شراء او تحويل
* اتاحه اضافه كرت جديد من خلال البرنامج نفسه ( جولد او كلاسيك)
* اتاحه التحويل الداخلي من رصيد كرت لكرت اخر ع نفس الابليكشن( الهدف منها استخدام الرصيد في الكرت المحول اليه في عمليات شراء او سحب نقدي في حاله عدم توفر الكرت المحول منه)
بالاضافه الى حل المشكلات السابقه والمتعلقه بالابليكشن

تابع الفيديو وركز في مكالمة خدمة العملاء والتسجيل علي التطبيق

لتحميل التطبيق من هنا : اضغط هنا

من لديه أي تعليق أو استفسار يقوم بوضع استفساره في تعليق أسفل الموضوع

للانضمام الينا في : اكبر جروب عربي لتنزيل جميع انواع البرامج | The largest Arab Group to downlo من خلال الضغط هنا

للابلاغ عن رابط لا يعمل الرجاء ابلاغنا من هنا : اضغط هنا

لا تنسو الاشتراك ب قناتنا علي اليوتيوب

وصفحتنا علي الفيس بوك لتكونوا بعلم جديدنا

ولا تترددوا في ترك استفساراتكم

متنساش لايك للبوست وكمان شير حتي تعم الفائدة للجميع 
زكاة العلم إخراجه

حكمتي المفضله : تعلم العلم فإنك لا تدري متي تحتاج إليه

الكاتب : mahmoud nafra el rawy

شارك الموضوع

مواضيع ذات صلة