الربح من موقع خمسات | التجارة الالكترونيه في خمسات

السلام عليكم ورحمة الله وبركاتة

احبائي متابعي مدونة :

ايجي سوفت بروج فري | Egy Soft Prog Free

موعدنا اليوم مع : موضوع حصري لمدونة

ايجي سوفت بروج فري | Egy Soft Prog Free

الا وهو موقع خمسات التجارة الالكترونية من ( موقع خمسات )

موقع خمسات يعتبر اضافة نوعية تضاف لشبكة الانترنت العربي وقد ظهر علي الساحه لكن لم ينتشر بسرعه كبيره حتي الان .

وددت ان اتحدث عنه فى هذه التدوينة ايمانا مني بضرورة دعم الشباب العربي والذي انا فرد منكم يصعب الحصول علي وظيفة جيدة او مناسبة مقارنة بالتعليم الجامعي او الفوق متوسط او حتي المتوسط نظرا لارتفاع نسب البطاله خصوصا في مصر ، ايماناً مني بأننا يجب أن نلحق بمن سبقونا فى هذا الميدان اشواط كبيرة ، ولكن مسافة الالف ميل تبدأ بخطوة ،فما طبيعة هذا الموقع وما هي الاضافات التى يقدمها للتجارة الالكترونية العربية

خدمات الموقع

* ان كنت تجد صعوبة فى كتابة مقالات بالانجليزية على مدونتك …موقع خمسات يمدك بيد المساعدة .

* ان كنت تبحث عن تصميم لبانر اعلاني لموقعك أو مدونتك …موقع خمسات يمدك بيد المساعدة .

* ان كنت قمت بعمل جروب على الفيس بوك أو صفحة شخصية Fan page وتبحث عن انضمام المئات لجروبك أو صفحتك…موقع خمسات يمدك بيد المساعدة .

* ان كنت تريد تعلم الفوركس واقتحام الميدان ولكن لا تعرف من أين تبدأ …موقع خمسات يمدك بيد المساعدة .

* ان كنت تريد تصميم مدونتك باستعمال أداوت الووردبرس ولكنك لا تتقنها …موقع خمسات يمدك بيد المساعدة .

وغير ذلك من الخدمات العديدة والكل بخمس دولارات فقط .5$

هذا فقط اذا كنت تريد أي من الخدمات وغيرها الكثير

فما بالك ما اذا كنت انت من تقوم بتقديم هذه الخدمات

نعم انت الا يمكنك اجادة أي شيء نهائي ولا حتي واحده

الا يمكنك معرفة إضافة أعضاء كثيرة في الجروب مرة واحدة

الا يمكنك شرح أي برنامج

الا يمكنك صيانة الكمبيوتر عن بعد ولو باستخدام تيم فيور

الا يمكنك الكتابة بسرعه كبيره علي الوورد

( فالح بس تشيت وتكلم ده ودي وتضيع وقتك !!!)

الا يمكنك التصميم لبروشور او بانر او اعلان

( ولن تصدقني الا يمكنك تصميم غلاف صفحة فيس بوك

هتقول اكيد بهزر اقسم لك هذا الكلام حقيقي ويمكن طالب الخدمه ان يقوم بها لكن هل تعرف ما اذا كان يملك الوقت ام لا )

اكيد الكلام في هذا المجال لن ينتهي ولكن انا أجزم انك تعلم ولو 4 أشياء يمكنك إنجازها بإتقان يمكنك الربح من خلال تقديم خدماتك في موقع خمسات

سأفترض انك لا تعلم أي شيء | أمامك الفرصة تعلم من اليوتيوب ابحث في المواقع عن اهتماماتك وطور من نفسك فهذا يفيدك انت ليس لكي تضع خدمتك في خمسات فحسب ولكن يمكنك مساعدة من يحتاج هذه الخدمة

وأقسم لك شعور رااااااااائع حين يطلب منك احد ان تعلمة شيء او ان تساعده في شيء وتساعده وتري علي وجهه علامات الفرح والسرور

لن تحس بهذا الشعور الا اذا قمت انت به

معلش طولت عليكم نكمل

خمسة دولارات ( 5$ )مبلغ قليل جداً في خمسات

خمسة دولارات هي اقل تكلفة يمكنك طلبها بناءً علي تقديمك الخدمة ولك الحرية في طلب اكثر مقابل المجهود الذي ستبذلة وذلك حتي مبلغ 25 دولار ( 25 $)

-->

بالعقل كده الموقع هيستفاد ايه ؟؟؟

بجد أحييك علي السؤال ده وانت كده أثبتلي انك مصحصح معايا

الموقع ممكن نقول كأنة وسيط بينك وبين الطرف الثاني ( مقدم الخدمة (البائع) – الوسيط (موقع خمسات ) – طالب الخدمة (المشتري))

انت لسه مجاوبتنيش !!!

انت كده برنس وعايز تستفيد ومصحصح اوي

الموقع بياخد عمولة علي كل خمسة دولارات (5$) واحد دولار عمولة (1 $) بمعني لو انا بطلب منك خدمه معينة تكلفتها خمسة دولارات (5 $) انا بكسب منك اربع دولارات (4 $) والموقع بياخد واحد دولار (1$) عمولة فهمت والا لسه ؟؟

انا سامع واحد ناااااااااااصح ورا بيقول طب لو الخدمة بتاعتي انا شايف ان تمنها غالي مثلا 10 دولار او 15 دولار او 20 دولار او 25 دولار!!!

ايه هيكون الحل

مفيش مشكلة زي ما قلتلكو الموقع عموماً بياخد علي كل خمسة دولا عمولة واحد دولار

فلو كانت الخدمة ب 10 دولار هيكون مكسبك انت 8 دور والموقع 2 دولار

ولو كانت الخدمة ب 15 دولار هيكون مكسبك انت 12 دولار والموقع 3 دولار

ولو كانت الخدمة ب 20 دولار هيكون مكسبك انت 16 دولار والموقع 4 دولار

ولو كانت الخدمة ب 25 دولار هيكون مكسبك انت 20 دولار والموقع 5 دولار

* معلش بقي الكلام ده كله زي العسل انا بقي هسحب فلوسي ميتا وهاو ؟؟؟

اه يا أروبة همك عالفلوس هقولك وهقول للمتابعين

بتسحب الفلوس لما توصل 10 دولار كل اول شهر كحد أدني والفلوس بتتحول علي البايبال او الوسطاء المعتمدين لموقع خمسات

-->

* ليه بقي كده ما كنا تمام طب انا مش معايا بطاقة بايبال ؟!!!

ههههههه ومين قالك ان انا كمان معايا اتكل علي الله والباقي دا كله هييجي بعدين متنساش اننا في عصر التكنولوجيا ولما ربنا يكرمك وتشتغل في شركة محترمة هتلاقي ان انت بتسحب المرتب من كارت فيزا يعني كمان كام سنة انسي بقي المحفظة دي

انا كده يعتبر اتكلمت عن 90 % من الموقع ولو في أي استفسار انا في الخدمة وان شاء الله قريب هعمل فيديو اشرحلكو موقع خمسات وطريقة العمل به

* للامانه فقط | ثق في الله تعالي ثم اولاً ثم في نفسك ثانياً واياك والملل او الرسائل السلبيه وانا لا استطيع او لا املك الوقت او او او

يبقي احسنلك متبدأش وخليك كده قاعد عالنت يوم ورا يوم بيعدي وهتلاقي انك مستفدتش حاجه

انا نفسي بقعد عالنت من 2008 أيام ما كان النت 07775000 وايام ما كانت الساعه في السايبر ب 3 جنية لغاية اول سنة 2013

تخيل 4 سنين بقعد عالنت من غير أي فايده زي زيك بدخل في مواقع التواصل واشيت وانزل برنامج كذا ولعبة كذا واغنية كذا وفيلم كذا

الي ان وقفت مع نفسي وقفه جاده ازاي أحاول استفاد من الانترنت وافيد غيري وبناءً عليه اشتركت في موقع للربح من النت وهو adf.ly اكيد ولو مرة واحده في حياتك صادفتة وعملت مدونة اللي هي دي وركبت عليها إعلانات ادسنس مربحه ايضاًوعملت قناة علي اليوتيوب واشتركت في موقع خمسات ولو في جديد هشترك انا عارف انك هتقول وايه لازمة الكلام ده لكن تخيل بعد سنة مثلا هيكون الموضوع ازاي ؟؟؟

ربنا كرمني ولقيت شغل ؟؟

عادي جداً اعتبره مصدر دخل تاني واولا واخير انت الكسبان

انا عارف اني خرجت بره الموضوع لكن حبيت انقلك تجربتي ... يا تري لسه عايز تقعد سنة واتنين و تلاتة وأربعة وتضيع وقت ومتستفادش ؟؟؟

القرار ليك

معلش اسف حاجه أخيرة

المنافسة في خمسات شرسه جداً انا بقولك كده مش بحطبط عزيمتك والله أبداً بس عشان تبقي عارف ومتفتكرش الدنيا وردي وزي ما قلتلك ثق ف الله أولا ثم في نفسك ثانية

واعلم ان رزقك لن يأخده غيرك

لن تصدق | بمجرد ان سجلت اخت في الموقع وما ان نشرت إعلانها وتابعت الطلبات الا ووجدت ان شخص ما يطلب خدمتها او قريبه منها وما ان عرضت سعر الخدمة ووافق المشتري ونفذتها وكسبت 4 دولار في اقل من 8 ساعات !!!

اسف علي الاطاله

اذاَ يتضح لنا مما سبق أنه باستطاعتك ان تحصل على مثل هذه الخدمات أو ان تقدم انت خدمات مشابهه فى أي مجال تتقنه بمثل هذا المقابل او بمقابل اكبر

نحن كعرب لماذا لا نقوم بمثل هذه الأمور والتي تحفزنا و تدربنا على الاعتياد بالقيام بتقديم خدماتنا والربح وأيضا تنشيط الاقتصاد بعملية الدفع الالكتروني نظرا للقيمة الوارده ( انت تجيب عملة صعبة ) الواجب دفعها مقابل خدمات جليلةوالكل فيهارابح win-win-situation. وباقدامنا على هكذا خدمات ومدفوعات ليس فيها مخاطرة ، ننمني تجارتنا الالكترونية العربية خصوصا ، وندفع من يعنيه الامر الى ايجاد حلول عملية لمسألة الدفع الالكتروني فى وطننا العربي لأن الحاجة اقتضت ذلك وهكذا نتطور ونتقدم وتزدهر التجارة الالكترونية فى ربوعنا

اعذروني علي الاطاله وارجو من الله ان تكونو قد استفدتم

للتسجيل في الموقع

اضغط هنا

اذا اعجبك الموضوع لن أقول لك لا اسامحك اذا لم تذكر المصدر عشان بجد تعبت عشان اوصله بطريقة سهله ( دا علم وانا أصلا كسبان ثواب ) لكن ان اردت النقل ولا تريد ذكر رابط المدونة فيكفيك فقط ذكر منقول من

( محمود نافع الراوي )

شكراً لكم علي المتابعة ولو في استفسار اترك تعليقك وان شاء الله ارد عليك

خالص تحياتي لكم

( محمود نافع الراوي )